Nasa zawka ruihhlo do tum

Serchhip Kawnpui South Branch YMA te chuan ruihhlo dona kawngah nasa zawka hmalak an tum.
    Serchhip Bazar leh a chhehvel huamtu Serchhip Kawnpui South Branch YMA te hian an huamchhunga zu leh ruihtheih thil do kawngah nasa zawka hmalak an tum thu sawiin, Zan lama Bazar-a buaina siam thin te tudai tur leh ruihhlo do kawnga a tul apianga pun turin thalai rual intel-khawm, Volunteer Group din an rel a, hei hi Kumpuan Committee ten an enzui dawn a ni. Hei bakah hian an huamchhunga Zu leh ruihhlo zuar te chu naktuk, Aug. ni 24 tlai hian an In-ah lenchilhin vaukhanna (warning) an pe dawn tih sawiin, an zinga Sapzu zuar thin pakhat chu kum 2022-a zuar tawh lo tura intiamkamna ziak tawh a ni tih an sawi a. Man an nih leh chuan an Veng-ah an awm ho zel a rem tawh dawn loh thu an sawi bawk a ni.