Scholarship chungchanga hma lak sak turin Larsap ngen

Zonuna Kawlni /

Mizo Zirlai Pawl (MZP) General Headquarters chuan Mizoram Governor chu lehkha thawnin, Zirlai ten Scholarship 4th Installment an dawn thuai theih nana hma lakpui turin an ngen.

MZP hian Scholarship sem thuai a nih theih nan theih-tawp in hma an lak thin thu leh 3rd Installment pawh Ministry of Tribal Affairs New Delhi-ah dawrin an lo umzui tawh thu sawiin, 4th Installment pawh sem thuai a nih theih nan Union Home Ministry hnenah leh Aizawl a rawn zin National Commission for Schedule Tribe te pawh an lo sawipui tawh thu an sawi a. Heng hmalakna te hian awmzia a neih hleih theih loh avangin New Delhi-a cham mek Mizoram Governor Gen. VK Singh chu lehkha thawnin theihtawp a Ministry of Tribal Affairs hotute nawr turin an ngen a ni.

Governor hnena lehkha an thawn ah hian MZP chuan kum 2023-2024 Academic Session-ah Post-Matric (Tribal) Scholarship chu 4th Instalment hmuh ala nih loh avangin zirlai sang li chuang ten Scholarship an la dawn theih loh thu leh hei vang hian zirlai, a bikin State pawna Technical leh Professional Course zir mek ten harsatna nasa tak an tawh thu an sawi a. Hetihlai hian India hmar-chhak State dang te chuan Scholarship hi an hmuh kim tawh thu sawiin, Mizo zirlai ten an la hmuh ve loh avang hian harsatna nasa tak an tawh thu an sawi a. Post-Matric Scholarship Scheme hnuaia Mizoram tana sum pekchhuah loh la awm te hi pekchhuah nghal a nih theihna tura Ministry of Tribal Affairs-a hma lak sak turin an ngen a ni.

MZP ten an chhinchhiah danin Mizoram atang hian Tribal Scholarship (2023-2024) diltu zirlai 31,685 an awm a, heng zinga zZirlai 26,909 te chuan Scholarship hi dawng tawhin la dawng lo zirlai 4,027 an awm mek a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »