Tourism Minister in Hnahsin Kut a hmanpui

Tourism Minister Lalrinpuii chuan Tourism kalphung tharah tualchhunga cheng hmanga khualzinte hip chu Mizoram sawrkarin kalpui dawn tih sawiin, a hlawhtlin theih nan sawrkar leh tualchhung mite tanrualna a pawimawh tih a sawi. Inrinni khan Champhai-a Hnahsin Kut a hmanpuina ah Tourism Minister chuan sawrkar hmalaknaa khualzin hip tumna chuan ngai neihna a thlen thin thu leh hlawhtlin tawk lohna a neih thin thu sawiin, Mizoram sawrkar chuan Tourism-ah kalphung thar, tualchhunga cheng te hmanga khualzin hip a tum dawn tih a sawi a, sawrkar chuan mipuite hmalakna ah an hnung a dawl thin dawn tih a sawi a, Hnahsin Kut avangin mitinin Champhai pan an chak a, Kut tan hma hauhva thlenna tur awm tawh lo chuan Kut hlawhtlin zia a lantir tih sawiin, kalphung thara Tourism kalpui sawrkarin a tum dan hlimthla lanna a nih thu a sawi bawk.