Governor in NCC chawimawi

Governor Dr. Hari Babu Kambhampati chuan nimin khan Raj Bhavan Durbar Hall-ah National Cadet Corps (NER) te chu kum 2023-24 chhunga entawn tlak taka an thawh avangin chawimawina thuziak a hlan a. NCC NER  Directorate aiawhin Major General Gagan Deep, Additional Director General chuan Mizoram Governor hnen atangin Citation hi a dawng a ni. He hunah hian Governor chuan NCC in thalaite mi puitlinga siam tura chher kawngah hna a thawk tha hle tih sawiin, ram inpumkhatna atana beihpui an thlakna ten awmzia a nei mek zel a ni, a ti a. Mizoram NCC-te tunhnaiah hma an sawn nasa tih sawiin, Republic Day Camp, NE Car rally, Blood donation camp leh khawtlang rawngbawlna huang dangah te  NCC Mizoram ten hmalakna an zauh zel  chu a lawmawm tih a sawi bawk.