National inelna a tel turin Marian H/S naupang thlang

Kumthar January 27-31 chhunga ‘National Children's Science Congress’ neih tura Mizoram atanga tel tur Child Scientist thlanchhuah zingah Marian H/S Serchhip-a zirlai pakhat chu a tel.

Ni 2 chhung awh 30th State Level Children's Science Congress chu Zirtawpni khan Aizawl-a School Education Directorate Conference Hall-ah zawhfel niin District tina District Level Children's Science Congress neih-a District tin atanga thlanchhuah School 35 atangin Project 37 entir a ni a, heng atang hian National Children's Science Congress a tel tur Child Scientist 8 thlan niin heng zingah hian Senior Level-a intihsiakna a tel turin Lalrinnungi Ralte s/o Rohluzuala (P&E Veng), Marian H/S Serchhip chu a tel a, National Children's Science Congress hi Ahmedabad Science City, Gujarat-ah January 27-31, 2023 chhungin neih a ni dawn a ni.

National Children's Science Congress a tel tur zirlai thlanchhuah 8 zinga 6 te hi Senior inelna a tel tur niin midang pahnih hi Junior inelna a tel tur an ni a, heng mite bakah hian kumthar January 3-7 chhunga RTM Nagpur University, Maharastra-a Indian Science Congress-a tel turin zirlai pahnih thlanchhuah an ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man