TT Championship khel tan

Zonuna Kawlni /

Serchhip District Table Tennis Championship chu nimin khan New Serchhip Indoor Stadium-ah khelh tan niin Vawiin hian zawhfel hman tura ruahman a ni.

He Championship hi Serchhip District Sports Committee-a Vice President, Zolianmawia chuan hawngin Serchhip District Table Tennis Association in District Championship an buatsaih thei chu lawmawm a tih thu sawiin, infiammi te chu Sports kalphung thar te chhawr tangkai thiama tumruhna leh taimakna nen theihtawp chhuah tur leh zuk leh hmuam bakah ruihtheih thil-a insum-a Serchhip mai ni lo, Mi-zoram ti hmingthatu ni ngei turin a chah bawk.

He Championship hawnna hun hi Ser-chhip District Table Tennis Association Vice President, T. Hrangsiama chuan kaihruaiin an President, VL. Hrilmawia chuan thu a sawi bakah an Adviser insawn tur Serchhip DAO, C. Lal-nithanga thlahna hun an hmang bawk a ni.

Serchhip District Table Tennis Championship 2021-ah hian Category 10-ah inelna neih niin infiammi 60 chuang an tel a, Serchhip bakah Thenzawl, Khawlailung, N. Vanlaiphai, Chhingchhip leh Darlawng atangin infiammi an tel a, Vawiin ah Final khela zawhfel a ni ang.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »