Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Serchhip Heritage Society ten lungphun phun tha

Serchhip Heritage Society te chuan nimin khan hnatlang neiin Serchhip lal hlui, Lalhrima leh Lianpuithangi te Thlân, Serchhip khawhlui (Entlang)-a awm chu an tundin bakah Kawlri tlâng, Zoluti lâklêt lehna hmuna Kumpinu Lungphum pawh an phun tha nghal bawk. Lalhrima hi Bengkhuaia fapa niin mei mit lova Serchhip khaw din a nih hnua Serchhip lal hmasa ber a ni a. Ani ho hian kum 1903-ah Serchhip khua hi din a ni a, kum 16 a lal hnuah boralin a nupui, Lian-puithangi a lal chhunzawm a. Lianpuithangi pawh hi kum 1930 khan a boral ve leh bawk a ni. Nimin a an phun that Kumpinu Lungphun hi kum 1901-a phun leh ziah a ni bawk.

Comments

Chhiar Hlawhte