Vawk lakluh khap zui zel

Serchhip District Magistrate chuan Serchhip District chhungah Vawk leh Vawksa a\anga thilsiam lakluh khapna thupek a chhuah thar leh.

Serchhip District Magistrate, Chuauhnuna chuan tunkar Thawhlehni khan thupek tichhuakin Mizoram-ah Vawk hri, Porcine Reproductive and Respiratory Syndrome (PRRS) leng a la reh lo nia rinhlelh a ni thu tarlangin, he hrileng avanga Serchhip mipuite tan buaina leh harsatna a thlen loh nan Section 144 of CrPc 1973 in thuneihna a pek angin \henawm ram (neighbouring States/Country) leh District dang a\anga Vawk leh Vawksa a\anga thilsiam reng reng lakluh khapna thla hnih (2) chhung atan a tichhuak a. He thupek bawhchhia te chu Section 188IPC hmanga hrem theih an ni anga. He thupek hian thu leh awm hma chuan chhuah a nih a\anga thla hnih (2) chhung a huam dawn a, sawrkar a\anga phalna nei te erawh chu he thupek hian a huam dawnlo bawk a ni.