Mizoram pumah Draft Electoral Roll tarchhuah a ni

Nakum January 1-a kum 18 tling chin te Electoral Roll a thunna tura Special Summary Revision of Photo Electoral Roll, 2020 neih tur atan nimin khan Mizoram District tinah Draft Electoral Roll chu tarchhuah a ni.
Nimin a District hrang hranga District Election Officer ten Draft Electoral Roll an tlangzarh tak atanga a lan danin Mizoram pumah Assembly Constituency 40 awmin Polling Station 1222 a awm a, Vote nei thei Mipa 381,897 leh Hmeichhia 402,000 awmin Service Voters 4850 an awm bawk a, heng mite nen hian Mizoram puma Vote nei thei hi mi 7,88,747 an ni. District hrang hrang zingah Aizawl District chu Vote nei thei tamna ber niin vote nei mi 2,96,578 an awm a, Lunglei District-ah 1,07,454 , Kolasib District-ah 59,196, Mamit District-ah 66,896 , Champhai District-ah 86,109, Lawngtlai District-ah 82,519, Serchhip District-ah 50,186 leh Siaha District-ah 39,809 an awm a ni.
Electoral Roll a hming ziahluh, hming paih leh insiamthat ngaite chuan nakum January ni 15 thleng dilna an thehlut thei dawn a. Heng a dilna lutte hi nakum January ni 27-ah chinfel hman tura ruahmanna siam niin, Final Electoral Roll hi nakum February thla chhunga peihfel hman tura ruahmanna siam a ni a. Dilna hrang hrangte hi Election thuneitute bakah online in nvsp.in ah thehluh theih a ni a, mobile app Voter Helpline hmangin a thehluh theih bawk.

Comments

Chhiar Hlawhte