Lenkawl

Vawiin January 11, 2022 hi Mizoram-a chan-chintha thlenna ni, Missionary Day a ni a, he ni hi sawrkar Pisa chawlh-a puan a nih angin Mizoram sawrkar hnuaia sawrkar Pisa hrang hrangte chu khar a ni ang.

Serchhip District Bawrhsap Kumar Abhishek IAS chuan nimin khan thuchhuah siamin Serchhip District chhungah COVID-19 hri kai an pun zel avanga mipui kan him zawk nan Indoor Games bikah practice leh inelna (Tournament) chu phal rihloh a nih thu a tarlang a. He thuchhuah hian tun thla ni 5-a hri leng laka inkaihhruaina lo tihchhuah tawh a Indoor Games bika phalna awm chu a luahlan dawn a ni.

Kumin kumtir atangin Serchhip District-ah COVID-19 hri kai hmuhchhuah an pung zel a, nizan thleng khan hri kai enkawllai pawh mi sang khat aiin an tam leh tawh.

Serchhip District Bawrhsap leh Serchhip District Disaster Management Authority Chaimran Kumar Abhishek chuan tunhnaia Serchhip District-a COVID-19 hri kai nasa taka an pun chhan chu hunpui laia COVID-19 laka himna dan kan zawm that tawk loh vang a ni ber tih sawiin, mipuite chu tha taka CAB zawm turin a chah bawk.

Nikum December thla tir lama Serchhip District Hospital-a thil thleng chungchanga Magisterial Inquiry ti tura sawrkar in a ruat Serchhip District Bawrhsap Kumar Abhishek chuan he thil thleng hi chhui zo tawhin, naktuk khian a report te hi a thehlut dawn nia thudawn a ni.

Serchhip Bazar building-a chawhmeh leh thildang zuartu inzawmkhawmna, Serchhip Bazar Welfare Association te chuan nimin chhun khan kumin 2022 chhunga an pawl hruaitu tur thlanna neiin President-ah Lalhmunsangi (Hmar Veng), Vice President-ah Laltlanthangi (Chhim Veng), Secretary-ah Lallawmkimi (AOC Veng), Asst. Secretary-ah Ramlawmthangi (Vengchung), Treasurer-ah Lalengzami (Hmar Veng) leh Fin. Secretary-ah C. Zonunsiami (Dinthar Veng) te thlan an ni.

Nimin khan Serchhip District-a kum 18 chung-lam te hnenah COVID-19 Vaccine Dose 3-na, Precaution Dose pekchhuah tan a ni a, Serchhip-ah chuan naktuk-ah pekchhuah tan a ni ang.

‘Mizo mipuite nunphungah entawn tur thil tha a tam hle’ - DC Serchhip District Bawrhsap atanga chhuak mai tur Kumar Abhishek IAS chuan Serchhip chu nuam a tih thu leh a tan chuan a khaw pahnihna (second hometown) ang mai a ni tih sawiin, Mizo mipuite nunphungah entawn tur thil tha a tam hle tih a sawi.

Bawrhsap Pisa sawihona nei

Mizoram hmun hrang hrangah COVID-19 hri kai hmuhchhuah an pung chho leh mek a, nimin tlai thleng khan Mizoram-ah COVID-19 hri kai enkawllai mi 4398 an awm mek a ni.

Health Minister Dr. R. Lalthangliana chuan nimin khan Mamit ah CMO Office Building leh ANM School Building-te a hawng.

Kumin January ni 1 atanga January 8 chhung khan Serchhip District-ah COVID-19 hri kai mi 925 zet hmuhchhuah niin a tam zawk hi Serchhip District chhung thingtlang khua te an ni.

PWD Serchhip Division chuan sawrkar kum kal meka an ruahman sa angin Serchhip khawpui chhung hmun thenkhat ah kawngpui siamthat hna an thawk mek.

Serchhip District-ah nimin tlai thleng khan hri kai enkawllai 938 zet an awm.

Tunhnaiah Serchhip District chhungah COVID-19 hri kai hmuhchhuah an pun avangin hri leng avanga hmun khuahkhirh bik-a puan pawh a pung zel.

Serchhip bialtu MLA Lalduhoma chuan Inrinni khan Bawngchawm tlang tlawhin Bawng-chawm khaw hmunhlui a fang.

COVID-19 hri leng avanga Mizoram puma mipui inkaihhruaina tihkhauh leh a nih hnuah Serchhip District-a mipui kaihhruaina tur pawh tihchhuah a ni ve leh ta.

Mizoram-ah Omicron la hmu lo

Mizoram-ah COVID-19 hri kai hmuhchhuah pung zelin nimin tlai thleng khan hri kai enkawllai pawh 0000 zet an awm leh tawh.

Mizoram sawrkar chuan December 16, 2021 khan Chalfilh tlang, Vanzau-a In sakte chu thiat lo tura ngenna National Green Tribunal (NGT) Eastern Zone Bench, Kolkata-ah ngenna/dilna a thlen tawh a, hearing pawh neih a ni tawh.