Lenkawl

Special Intensive Revision (SIR) 2026 kalpui mekah nimin khan BLO Apps-a Enumeration Forms ziahluh dan, ‘Training on Digitization of Enumeration Forms’ chu neih leh niin he Training hi District chhung hmun li (4)-ah neih a ni.

Serchhip District Election Officer leh Bawrhsap Paul L. Khuma hovin nimin khan Special Intensive Revision (SIR)-2026 Serchhip District-a kalpui mek dan thlirletna leh sawihona neih a ni a. SIR 2026 hi hlawhtling taka kalpui a nih theih nan District chhungah chak taka hmalak zel tum a ni.

Serchhip Sub-Hqrs. YMA chuan nimin khan Sub-Hqrs. YMA Executive Committee (SEC) thutkhawm neiin kum 2026-2027 chhunga Committee peng hrang hranga Member tura ruat te an thlirho hnuah an pawm a. Tun thla ni 15-a YMA Day vawi 91-na lo thleng tur puali…

Ministry of Panchayat Raj (MoPR) buat-saihin tunkar Nilaini khan New Delhi-a Scope Convention Centre-ah ‘National Panchayat Awards Ceremony-2026’ neih a ni a, he hunah hian Mizoram atangin Kawrthah North Village Council chuan intihsiakna Category pakhat, Deen Dayal Upadhyay Panchayat Satat Vikas Puraskar hnuaiah lawmman an dawng a ni.

Tourism Minister Lalnghinglova Hmar chuan Taxi driver-te chu Mizoram-a khualzin lo zawng zawng deuhthaw ten kan rama an hawn hman hmasak ber an nih avangin an pawimawh hle tih a sawi.

Mizoram in Rajya Sabha-a Seat pakhat a neih luah tur thlanna tun thla ni 18-a neih tur chuh turin Rorellai Zoram People's Movement (ZPM) Party Official Candidate K. Laltluangkima chuan nimin khan he Inthlanna a Returning Officer leh Mizoram Legislative Assembly-a Commissioner & Secretary Zothansanga Ralte hnenah a hming a pelut a, ani chiah hi he inthlan chuh tur hming pelut la niin he inthlan chuh tumte tan hian karleh Thawhtanni, June 8, 2026 thlengin hming pekluh theih a ni dawn a ni.

Indian Oil Corporation Limited (IOCL)-in Corporate Social Responsibility (CSR) Initiative hnuaia Zoram Medical College & Hospital-a damlo na zual enkawlna tur khawl changkang (critical care equipment) leh Advanced Life Support Ambulance an hlanna hun chu nimin khan neiin he hun hi Health Minister Lalrinpuii chuan a hmanpui a ni.