Lenkawl

Cheng Vbc. 21 senga District Hospital Serchhip building thar sakna tur lungphum chu nimin khan Health Minister Dr. R. Lalthangliana chuan a phum a, he Hospital sakna tura sum ruahman ah hian building sakna tur bakah hmanraw pawimawh leina tur engemaw zat ruahman a ni bawk.

Govt. Higher Secondary School Serchhip-a Zirlaite chu Zirtirtu pekbelh phuta kawngzawh tumin nimin khan an School tual-ah an pungkhawm a, Serchhip-a MNF Block hruaitute nen an inkawm hnuah sawrkar hmalakna ngaihchan leh rih nise an ti.

Bharat Scouts and Guides, Serchhip District Council Meeting chu nimin khan Serchhip DC Meeting Room-ah an Chairman leh Serchhip DC David Lalthantluanga hovin neih a ni a, Serchhip District-ah hian tun dinhmunah Bharat Scouts and Guides Unit 7 a ding…

PHE Department in Serchhip chawmna atana Tuikum lui an lakna kawng leh Tui Pump-a hmun te chu nimin khan Serchhip DIET-a PSTE zirlai te chuan hnatlangin an tifai.

Thenzawl Forest Division hnuaia ramsa in Lo/Huan thlai a tihchhiat sak mi 7 te hnenah nimin khan zangnadawmna (Crop Damage Compensation) hlan niin a vaiin Rs  31,000/- semchhuah a ni.

Tunkar Zirtawpni zan atanga Serchhip-a neih tur UPC Mizoram General PYD Inkhawmpui neih tur atan inbuatsaihna peihfel niin nizan khan he khawmpui neihna tur Pandal hlanna Inkhawm hi neih a ni.

Chhingchhip-a Mizoram Food and Allied Industries Corporation Ltd. (MIFCO) hmun chu nimin khan Commerce & Industries changtu Minister Dr. R. Lalthangliana chuan a hmunah a tlawh.