MIFCO atanga hlawk zawka tharchhuah dan tur en ho

Mizoram Food & Allied Industries Corporation (MIFCO) ten Chhingchhip-a an hmunpui atanga an thil siamchhuah chi hrang hrangte tun aia nasa zawka an siamchhuah theih dan tur ngaihtuahin nimin khan Zawlbuk Consultancy - MZU Food Technology atangin mithiam te chuan MIFCO hmun hi an tlawh.
    MZU Food Technology Department atanga rawn kal te hi H. Lalnunfeli Phd (Scholar), Christopher Zomuanpuia Phd (Scholar) leh Laishram Basanta Rani Phd (Scholar) te niin MIFO Chairman Lalthazuala Rawite leh a thawhpui te bakah Serchhip-a thuthar thehdarhtu ten an lo dawngsawng a, MIFCO hmun-a theitui sawrna khawl leh a hnathawh dan te thlirin, helai hmun atanga theitui tam zawk tharchhuah a nih theih dan turte, hlawk zawk leh man tlawm zawka tharchhuah a nih theih dan tur leh in nghal mai theih tur tharchhuah dan tur bakah theirah atanga theitui bakah eitur chi dang semchhuah theih dan turte pawh an sawiho nghal a ni.