GNM School-ah hmalak zel tum a ni

Serchhip Chanmari Veng-a General Nursing & Midwifery (GNM) School tura ruahman chu cheithat hna thawh mek niin luah a nih thuai theih nan chak taka hmalak zel tum a ni.
Serchhip District Bawrhsap Paul L. Khuma hovin niminpiah khan Serchhip DC Meeting Hall-ah Serchhip Chanmari Veng-a General Nursing & Midwifery (GNM) School chungchang hi ngaihtuah a ni a, he thutkhawm ah hian Addl. DC Dorothy Muansangi chuan Nursing School cheithat hna thawh mek tunhnaia an tlawhna leh helai hmuna harsatna awm te chinfel a nih theihna tura District Administration hmalakna leh Inspection neih dan te a tarlang a. Hemi hnu hian Nursing School chungchang hi sawiho niin ram neitute beisei la tih hlawhtlin rih lohte pawh tihhlawhtlin chhoh zel dan turte rel a ni a; lungrual takin ruahmanna hrang hrangte siam niin, luah a nih thuai theih nan chak taka hmalak zel a ni dawn a ni.

He thutkhawm ah hian sawrkar hotute bakah Nursing School sakna a ram neitute telin Aizawl atangin Directorate of Nursing-a Joint Director leh Asst. Director te an rawn tel a ni.