Kolasib Bawrhsap boral

Zonuna Kawlni /

Kolasib District Bawrhsap nilai Robert C. Lalhmangaiha chu nimin khan boralin a ruang hi lumen a nih hnuah Vawiin hian vuiliam a ni ang.
 Kum 48-a upa Robert C. Lalhmangaiha hi Zunthlum leh Thinlian bakah hrisel lohna dang neiin Pathianni zing khan Kolasib-ah Doctor a inentir a, Aizawl lamah enkawl turin refer a nih hnuah nimin khan Civil Hospital, Aizawl-ah admit a ni a, Thin thau bawh, Thyroid sang bakah Zunthlum leh Thisen sang nei nia hriat niin nimin chawhnu dar 2:28 khan a boral a, a ruang hi Aizawl Chawnpui Veng-a an chenna In-ah lak niin Vawiin chawhnu dar 1:00 hian vuiliam a ni dawn a, a nupui Lalbiakhlui leh a fate pathum a kalsan a ni.

Robert C. Lalhmangaiha hi Mizoram Civil Service (MCS) 2008 Batch niin Lawngtlai a ADC hna chelhin Zawlnuam-ah BDO hna a chelh leh a, hemi hnu hian Serchhip-ah rawn awmin Sub-Deputy Commissioner (SDC) hna a chelh bakah Assistant Settlement Officer (ASO) hna te chelhin, June ni 26, 2013-ah Senior Grade-ah hlan kai a ni a, Serchhip-ah SDO (Sadar) leh BDO hna a chelh bakah NLUP kalpui a nih laiin Nodal Officer a ni bawk a. Serchhip atanga a chhuah hnuah Transport Department, Rural Development leh Food Civil Supplies and Consumer Affairs-ah te Deputy Director hna thawkin Local Administration Department-ah te Deputy Secretary hna a thawk a, June ni 1, 2020-ah Junior Administrative Grade-ah kaisangin Co-Operation, SAD, District Council and Minority Affairs, leh UD&PA-ah te Deputy Secretary hna a thawk leh a, kum 2023 December ni 29 khan Selection Grade-ah kaisangin DC&MA bakah GAD-ah te Joint Secretary bakah Aviation Director-te niin, July ni 9, 2024-ah Kolasib Bawrhsap hna chelhin a boral thlengin a chelh a. Tunah hian Aizawl Chawnpui Veng-ah Presbyterian Kohhran Upa a ni nghe nghe a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »