Mizoram-a Dan lova lirthei lakluh thahnem tak man a ni

Transport Department hnuaia Enforcement Duty te chuan Nilaini khan Mizoram-a dan lova lirthei lakluh thahnem tak an man a, heng zingah hian Kenbo 125 pali, Super wave 135 pakhat leh Dayang pakhat a tel. Transport Department chuan foreign siam lirthei te hi thla 3 chhungin a neituten an ngaihven thei tih sawiin, thla thum ral hnuah erawh action lak theih a ni dawn tih an sawi a ni. Transport Department chuan dan lova ramchhunga lirthei lakluh chungchangah hian thuchhuah siamin tunlaiah Mizoram chhunga foreign siam lirthei chi hrang hrang lakluh hmuh tur a awm thin thu leh engemaw zat an man tawh tih sawiin, Foreign siam lirthei chu Ministry of Road Transport & Highways chuan India rama ziahluh theih dan felfai tak a siam tih an sawi a, dan hnuaiah Custom Clearance felfai tak nen chauh lakluh hnuah register theih a ni tih an sawi bawk.