YMA Sub-Hqrs. Serchhip Conference vawi 4-na East Lungdar-a neih tluang takin zawhfel a ni.

Tunkar Thawhlehni zan a\anga YMA Sub-Hqrs. Serchhip Conference vawi 4-na, East Lungdar-a neih chu nizan khan a \iak ta a, nimin khan Pu FJ. Liantluanga, Project Director, DRDA chuan he khawmpui hi a hmanpui a ni.
YMA Sub-Hqrs. Serchhip Conference East Lungdar-a neih Khuallian nia nimin a hmanpuitu, Pu FJ.Liantluanga, Project Director, DRDA chuan YMA in kum 8 zet Kumpuan atana Ram leh Hnam humhalh an lo hman tawh chu chhunglam leh pawnlam a\anga Mizo ram leh hnam tibuaitu laka humhalh a \ul vang a ni, a ti a.Ram leh Hnam humhalhna tur hian kawng hrang hrangah hma lak a \ul thu sawiin, hemi kawngah hian ei leh bara intodelh te, khua leh tui kan nihna tura kan mawhphurhna hrang hrang kan hlen a \ul thu te, ram dan kan zawm a pawimawh thu leh kan dikna chanvo avangin midangte zalenna kan rahbeh sak loh a \ul thu te asawi a.Tunhma a ei leh bara intodelh thinMizote chu ei leh bara intodelhna kawng ah te, thing leh mau chereu zel avanga boruak lo danglam zel chungchangah te, Tui hna lo tlem zelchungchang leh a loa kan awm theih thil chi hrang hrang kan hman uar em em,Mobile Phone chungchangah te kan dinhmun hriaa kan insiam\hat a pawimawh thu a sawi bawk.
    Nimin a YMA Sub-Hqrs. Serchhip Conference-a Vantlang Inkhawm hi Pu RL. Chhuanawma, President, YMA Sub-Hqrs.Serchhip chuan kaihruaiin Central YMAPresident hlui, Pu Lalchungnunga chuan khawmpui thupui ‘Ram leh Hnam humhalh’ tih thupui hmangin thu a sawi a, Pu Lalchungnunga chuan Mizote chu Ram ah chiangin Hnam ah kan chianglo tih a sawi a. Ram leh Hnam humhalh turin huaisen a \ul thu leh chumi atan chuan intodelh a \ul thu pawh sawiin, ‘Thawh peihloh kan ngah lutuk hi a pawi a ni,’ a tia. Tlakchham kan neih lohna turin taima taka hna \angkai kan thawh a ngai a ni, tiin Ram leh Hnam humhalh chu thinlung lamah a chian a pawi-mawh thu a sawi bawk. Tun \uma YMA Sub-Hqrs. Conference neih hi Conference neih tawh zinga Palai kal tam ber \um niin Palai riaklut 400 chuang an awm a. Nizan khan Palai thlahna inkhawm neih niin YMA Sub-Hqrs. Conference hi kum 1 dana neih a nih avangin Conference neih lehna tur hmun pawh hi ruat nghal a nilo bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man