Synod in hlamzuih sawng-bawl dan tur ruahman fel

Mizoram Synod chuan Synod inkhawmpui lo rel tawh bawhzuiin nausen, hlamzuiha thite Kohhranin a vui dan tur a ruahman fel ta a, tunhnai khan hmun hrang hrangah a thawn chhuak a ni.
Hemi chungchanga Synod thuchhuah chuan pi leh pute hun laia nausen thi an buaipui dan chu tun atan chuan a tawklo ah a ngaih thu leh, nausen thite chu mitthi dang vui dan pangngaia vui hi Pathian Thu a\anga thlir pawhin tih dan tur ni zawka a ngaih thu a sawi a, hei vang hian nausen an thihin Biak In dar, mitthi dar vuak ve tawh ni se, nausen, dama piang tawh phawt chu an thihin Kohhranin mitthi dang vui \hin dan anga vui tur a ni tih a sawi a.
    Vuina inkhawm pawh Kohhran inkhawm, hunserh pawimawha ngaiin Kohhran miten ngai pawimawhin in\awi-awm tlan nise a ti a, Mitthi dang vui dan ang bawkin Thlan ah pawh vui nise, Kohhran inchhiarna, mitthi zat chhiarna ah pawh chhiar tel a, kum tawpa mitthi sunna-ah pawh sun tel ni se a ti bawk. Synod thuchhuah chuan hlamzuih chung-changa an Kohhranin Chhiatni/|hatni kaihhruaina a lo neih sa pawh he thu chhuak thar hian a luah lan ta tih sawiin, he bak rel ngai a awm a nih chuan Kohhran hruaitute, khawtlang hruaitute leh mitthi chhungten a \ul anga inberawna rel fel mai tur a nih thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai