Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Revenue Department an khirh dawn tih Revenue Minister in a sawi.

Revenue Minister Pu R. Romawia chuan Revenue Department chu a khirh dawn tih sawiin, Mizoram chu duhamna tel lova rualkhai zawka insem kan zir a ngai tih a sawi bawk.
   He thu hi a bialchhung a fanna a Chaltlang khawtlang hruaitute nen an inkawmna ah sawiin Revenue Minister Pu R. Romawia chuan mi \henkhat ram ngah em em leh hmang \angkai lem lo an awm \euh laiin eizawnna tura huan siamna fahran chu sawiloh, Insakna tura ram zimte pawh nei zolo Mizoram ah kan awm \euh tawh tih sawiin, hei hi thil diklo lian tak a ni, a ti a. Sorkar chuan In hmun pass pek tur te a ruahman mek tih sawiin, heng Inhmun te hi mimal leh a chenpui chhungkaw member dangte Inhmun la nei miahlo te hnenah chauh pek a ni ang, a ti bawk. Hei bakah hian Revenue Minister chuan ram leh Inhmun feltawk lovangin mi \henkhat ten sorkar an khing \hin tih pawh sawiin, hetiang ah hian Revenue department pawhin leiman tam tak a chawi tawh tih a sawi a. Department lam te pawh an inenfiah dawn thu sawiin, Revenue dan thar duan mek te pawh anih dan ang anga khauh taka kalpui a ngai dawn a ni, a ti.
    Hei bakah hian Pu R. Romawia chuan ram inchuh thubuai chu tun dinhmuna Ukilte thubuai hlawkber anih tawh thu sawiin, hetianga kan ram kal zel chuan thisen hial te pawh kan la inchhuah sak ang tih a hlauhawm tawh a ni, a ti. Mizoram 21,081 sqkm a zau hi a lenbelh hmelsi loh tih sawiin, Mizo mipui tamtaka la pung zel tur hian Pathian min pek, ram zimte hi duhamna tellova rualkhai zawka insem kan zir a ngai a ni, a ti bawk.

Comments

Popular News (Last 30 Days)