MZP in Mizoram-a zirna In-a Hostel te enfiah turin rel.

MZP rorelna sang ber dawttu, Federal Council Sitting vawi 42-na chu nimin khan Aizawl-a MZP Conference Hall-ah neih a ni a, Mizoram zirna In hrang hrang a Hostel leh Private Hostel te enfiah a, mumal zawk a kalpui a nih theih nan hmalak nise an ti.
Nimin a MZP Federal Council Sitting hi an pawl Vice President, Pu Lalsangzuala Ngente chuan a kaihruai a, an thurel zingah hian Mizote All India Services leh Central Services ah tun aia tam zawk kan luh theuh nana hmalak te, Mizo zirlaiten Online Application hmanga Scholarship an dil theih nana hmalak te, Mizoram in kan state pual bika All India Services (IAS, IPS, IFS (Forest)) Cadre hran kan neih theih nana hmalak te, Mizoram sorkar hnuaia Elementary Stage (Primary leh Middle school) a mamawh aia tam School awm chu sawi-khawm a tihtlem a nih theih nana hmalak te, Mizoram leilung hausakna haichhuah tum mekah ram leilung fa (Zofa) te a tam thei ang berin hna kan thawh theih nan a \ul angin hmalak nise tih te a tel a ni.
    He hunah hian MZP President, Pu Lalhmachhuana chuan thu sawiin, “MZP chu zirlaite leh ram leh hnam tana a \ul ang apianga che chhuak \hin pawl anih avangin zirlaite leh Mizo mipuite min beiseina anga che chhuak thei \hin turin tlang hrang hrang a MZP mi leh sa te chu kan inpeih reng tur a ni,” a ti a. “MZP chu a mamawhtute tana malsawmna anih reng theihna turin hruaitute chuan inpekna thuk zawk nen pawl kan hruai tur a ni,” tiin, “Politics a ham\hat duh vanga Tuikuk, anmahni duhthu ngei a Mizoram chhuahsantu te hi raltlan an ni loh avangin Mizoram mipuite leh chanchinthar thehdarhtu te pawhin Tuikuk anmahni duh thu ngei a Mizoram chhuahsantute chu Mizoten kan umchhuah avanga raltlan anga ngaih theih tur hawi zawnga sawi tawhlo turin ka ngen a ni,” a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man