Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

MZP huaihawtin Vawiin ah Zoram ni hmang dawn.

MZP huaihawtin Vawiin, 5th March, 2014 hian Zoram Ni chu urhsun taka hman leh a ni dawn.
Hemi chungchangah hian MZP Gen. Hqrs. chuan thuchhuah siamin 5th March 1966-a India Sorkarin a ramchhung mite chunga vawiin thlenga ala tih ngai loh a Jet Fighter hmanga Mizoram vawi tam tak a bomb champha chu ‘Zoram Ni’ atan kum 2008 a\ang khan an lo hmang tawh tih tarlangin, kumin ah pawh hian chawhma dar 11:00 ah MZP huaihawtna hnuaiah I&PR Auditorium-ah hman a ni leh dawn tih an tarlang a. 5th March, 1966 a Mizote tawrhna zawng zawng khan ram leh hnam tana inpekna thar leh hnam hmangaihna rilru min puttir se tih pawh tarlangin, Mizo leh Mizo inkara inhriatthiamlohna tam tak awm tawhte theihnghilh a, Zofate inpumkhatna Ni atan ‘Zoram Ni’ tia hman hi a buatsaihtute duh dan a ni tih tarlangin, ‘He ni hi kan hliam hluite thawidama a awmna ni, tlukna ata tho va rilru thar nen Zoram tan Zofate ke penchhuahna ni atan hmang \heuh turin MZP chuan a duh a. Chhung tinte pawhin induhsak tawnna ni atan te, Kohhran tin pawhin Pathian hnena Mizote min kaiharh tura dilna neiin \awng\aina ni atan te hman ni thei se MZP chuan a duh takzet a, thinlung takin a ngen bawk a ni,’ an ti. Hetihlai hian Peace Accord MNF Returnees’ Association (PAMRA) chuan thu-chhuah siamin MZP te huaihawta Zoram Ni hman a ni chu lawmawm an tih thu tarlangin, he Ni hman \hin hian Mizo Nationalism leh Inpumkhatna thlen se, Zofate pawhin Rilru Harhtharna nei ila an duh thu an tarlang bawk.

Comments

Popular News (Last 30 Days)