KTP Kum 60 tlin lawmna leh KTP General Conference vawi 55-na neih mek a ni.

K|P General Conference vawi 55-na leh K|P Diamond Jubilee lawmna ni bawk chu nizan hmasa khan Khaw-zawl-ah neih \an a ni a, Thupui ah 'Tho la, Eng rawh' tih hman a ni. He Conference hawnna atan hian nizan hmasa khan Conference chhunga alh tur Jubilee Meichher chhiin Conference hi \an a ni a, palai lawmna leh report inkhawm neih zui nghal a ni a, Report hrang hrang ngaihthlak zui a ni bawk. Nimin zing khan Synod Moderator kaihhruaina hnuaiah Central K|P hruaitu tur thlan niin nimin khan rorel inkhawm neih zui a ni a, rorel hlan hian Ramthar lam hawi Programme leh Jubileee zaikhawmpui  te neiin nizan khan Pathian biak inkhawm neih a ni bawk.
    Report a\anga a lan danin K|P hi Pastor Bial 177 an dingin kum 2012 khan bial 169 ah a ding a, a punna hi 8 a ni a, Mizoram pawnah 8 a awm a, member tam berna chu Chanmari bial niin member 3028 an awm a, Member tlem berna Bial chu Buarpui biak niin member 39 an awm a ni. Pastor Bial khata Branch tam berna chu Reng-tekawn Bial niin Branch 10 an awm a, Branch tlemna ber Bial, Branch 2 chauh awmna Biate, Buarpui leh Hortoki bial te an awm bawk a ni.
    K|P ah hian Branch 808 a ding mek a, Member Mipa 85,769, Hmeichhia 50,901, a vaiin 1,36,670 awmin Member tam berna Brancy, Mission Veng-ah Member 1473 an awm a, Aizawl pawnlama Member tam berna Branch Champhai Veng-thlang Branch ah Member 716 awmin Member tlem berna Kohima Bial-a Peren Branch-ah member 5 an awm bawk a ni.
    Kum 2012 khan member boral 437 leh 2013-ah mi 448 an awm a, Member boral awmlohna kum 2012-ah 38 leh 2013-ah 36 an awm a ni. Hei bakah hian K|P member nupui pasal nei 4397 awmin Biak In-a inneih mi 1881 (42.775%) leh hmundanga in-neih 2516 (57.22%) an awm bawk. Hei bakah hian Pastor Bial K|P hminga Chanchinbu chhuah thei 35 awmin Branch hminga chhuah thei 425 an awm a. Bial hminga Missionary chawm Bial 318 awmin, Branch in Missionary 1620 an chawm bawk a, Bial leh Branch Missionary chawm belhkhawm hi 1938 a ni a. Bial hminga zaipawl nei thei Bial 134 an awm bawk a ni. He khawmpui hmang tur hian hriat theih chinah Palai inziaklut mi 18,746 an awm bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man