Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Bamboo Industry Unit te mamawh sanglo

National Bamboo Mission Society-a State Mission Director, Pu Lalthangliana Murray chuan Mizoram a Bamboo Industry Unit te Mau mamawhna ala sanglo hle tih sawiin, Mau sah permit te pek an nih loh chuan engemaw zat hman \angkai lohvin a riral mai mai dawn niin a sawi.
He thu hi niminpiah-a thuthar thehdarhtute nen an inkawmna ah sawiin Pu Lalthangliana Murray chuan Mizoram hian mau a ngah a, MIRSAC in an chhut danin nikum 2013 khan mau hi vbc. 560 vel kan nei a, tuna kan Bamboo Unit te demand hi a tlem a, tunah hian permit pe lo ila riral mai mai tur a ni, a ti a. Tuna Kolasib District a mau sah permit pek pawh Paper Mill hnenah emaw vai hnenah emaw ni lovin Huan a mau neite, Mau chingtute leh NLUP a Mau chingte hnenah a ni, tih sawiin, an niin vai hnenah an hralh a, vai hnathawktute Mau hmunah lutin Mau no an lo sat tel a, hetiang hi hriat anih veleh Department chuan hma a la nghal tih a sawi a, tunah chuan Mau no phur chu a trip tawpin, a no lo nen a vaiin man sak an ni \hin  tih sawiin, heng te hi lilam leh \hin a nih thu a sawi a, Paper Mill ah hian direct in sorkarin permit a pek loh thu a sawi bawk. Hei bakah hian tunah hian Mau hralh dan tur thar, Mahal lova Department in sata hmun hrang hranga Depot siama hralh dan tur rawtna siam mek anih thu pawh a sawi bawk.

Comments

Popular News (Last 30 Days)