Minister in Nurse te a fuih

Nimin khan Falkawn-a Mizoram College of Nursing (MCON) Hall-ah Nurse-te tana buatsaih ‘Clinical Skills and Competency for Nursing Managers’ chu neih niin Education Minister Dr. Vanlalthlana chuan a hawnna huna  telpui a. Damlote enkawlna kawngah nurse te pawimawh zia sawiin, Clinic leh Ward-a an mawhphurhna bakah an hnuaia thawktuten ngilneihna nen damlote an enkawl theih nana zirtirtu leh hmahruaitu an nih thu a sawi a. An hna chu mi dangte tana inpekna a nih avangin Mizo nun ze mawi ‘tlawmngaihna’ nen pawh a inhmeh hle a ni, a ti. Tunlai thiamna thang zelah intuaithar zel a tul thu te, hmanraw chhuak thar apiang hmang thiam tura inzir zel te leh taimak a tul thu te a sawi bawk.