KRAM Infracon Pvt. Ltd. te kawng siam mek enfiah leh

Serchhip District chhunga National Highway-54 kawngpui chhia thawmthat hna thawh mek chu nimin khan enfiah niin an hmanraw hman te chu duhthusam ni lo mah se tun dinhmun ah chuan a tha thawkhat nia ngaih a ni.
National Highway-54 Package-II, Baktawng Mualkawi atanga Keitum thleng leh Serchhip By-Pass te siamtu KRAM Infracon Pvt. Ltd. te hnathawh hi kumin Fur chho ah hian a chhe nasa hle a, District Bawrhsap hova kawngpui dinhmun thlirhona tum tam tak neih a nih tawh hnuah tunah hian Company lam hian he kawng thawmthat hna hi an thawk mek a. Nimin khan he kawng dinhmun hi enfiah leh niin huntiam chhunga an zawh hman dawn leh dawn loh te, kawng siamna hmanrua an hmante a tha tawk em tihte endik a ni a. Inspection Team te chuan tuna Lung an hman mekte chu duthusam ni chiah lo mah se, tun dinhmun atan chuan a tha thawkhat niin an ngai a. Fur ruahtui tlak zawh lamah tha lehzuala Blacktop hna thawh that leh vek tur a nih thu thawktute chuan sawiin, Kawng endiktute chuan lung chang tha chauh hmang zel tawh tur leh kawng khuar hnawh dan pawh uluk lehzual turin hnathawktute chu hrilh nawn leh bawk a ni.

Nimin-a Kawng endiktu Inspection Team te hi Serchhip DC Office atangin SDC, Chawngthu Lalrinhlua chuan hovin, PWD Serchhip Division atangin SDO Lalrinhlua bakah Serchhip Joint VC, YMA leh MJA aiawhte an tel a, KRAM Infracon Pvt.Ltd. General Manager Ayush Tiwari bakah thawktu dangte an tel bawk a ni.