Dan lova kuhva rah tawlhrukna khaidiat lian tak an manchhuak tih DRI chuan an sawi

Directorate of Revenue Intelligence (DRI) te chuan khawchhak atanga kuhva rah tawlhrukna inkhaidiat lian tak a manchhuak tih an sawi.

Directorate of Revenue Intelligence (DRI) te sawi danin heng kuhva rah te hi Asia chhimchhak lam atanga India-ah tawlhluh niin Bangladesh atanga tharchhuah angin lehkha lem siam thin a ni a. South Asian Free Trade Area (SAFTA) hnuaiah Chhiah awlin tam tham tak tawlh thin niin an sawi a ni. Union Finance Ministry sawi danin he thil an chhuina atang hian sawrkarin Chhiah a hloh zat chu cheng vbc. 2500 chuang a ni a, he pawikhawihna kaihhnawih ah hian mi 9 man an ni tawh bawk a ni.

Dan lova kuhva tawlhrutute hian Indonesia, Thailand, Malaysia leh Asia chhimchhak lam ram atangin kuhva hi an lalut nia tarlan a ni a, Bangladesh ram chu SAFTA hnuaia Chhiah awl theih ram anih avangin Bangladesh atanga chawkluh angin lehkha lem an siam thin niin sawrkar chuan a sawi bawk. DRI te chuan Kolkatta leh Visakhapatnama hmun engemaw zat an dap hnuah he pawikhawihna hi hmuhchhuah anih thu an sawi a ni.