Quarry chim in hnathawktu mi 15 vel a chhilh niin hria

Nimin Nov. 14, 2022 tlai dar 3:30 vel khan Hnahthial leh Dawn inkar kawng laitu ABCI te lung lakna Maudarh hmun ami chu a chim a, mi 15 vel a chhilh bakah lai laihna khawl leh kawl dang engemaw zat a chhilh nia hriat a ni.

Maudarh khaw bul lawka awm Leite YMA Secretary Vanlalzuia sawi danin helai hmuna Company-a hnathawktu ten lunglak hna an thawh laiin nimin tlai khan lung 2/1 a rawn tla a, hei hi hlauvin helai hmuna hnathawktu thenkhat te chu an insaseng hlawm a, tlanchhe ve hmanlo mi 15 vel chu he lei tawlh hian a chhilh ta a ni.

Helai hmuna hnathawk Quarry chimin a delhte hi hnamdang vek nia hriat niin lei in a chhilh zat hi chiang taka hriat theih a ni lova, nizan-a he chanchin lakkhawm lai thleng hian ruang lakchhuah zat hi chiang taka hriat theih la ni lovin mi 10 chuang lakchhuah an ni tawh nia sawi te awmin finfiah erawh ala harsa deuh thung a, helai hmuna Lung an lakna hi an verh thuk tawh hle a, a chunglam tlang a rawn chim niin thudawnna chuan a sawi bawk. Lei tawlh hian mihring bakah Excavator 5, Drilling Machine pakhat leh Rora herna khawl te pawh a chhilh nia hriat a ni bawk.

Chhiatna thlenna hmun hi Hnahthial District huamchhung a awm a nih avangin Hnahthial DC Office atangin SDC Dr. Lal-ramdintluanga leh thawktu engemaw zat bakah Police leh Medical Staff te pawhin Maudarh hi an pan nghal a. Hnahthial-a Peniel Branch YMA leh khaw thenawm Leite leh Rotlang East YMA te pawhin a hmun hi panin chhan-chhuah hna leh thil tul tih ngai an ti nghal ni. He lei tawlh hian a chhaklam mual zau tak chu a tawlhpui avangin ruang zawn hna pawh hi thawh a sawt lo hle nia thudawn a ni bawk.

Comments

Popular News (Last 30 Days)

LPG man bithliah thar