East Tuipui bial-ah Bawng natna a leng mek niin hria

Tunlai hian Champhai District-a East Tuipui bial khaw hrang hrangah ranpui, a bikin Bawng natna chi khat Foot and Mouth Disease (FMD) natna a leng mek nia hriat a ni.

He hri leng mek nia hriat enfiah tur hian AH&Vety Department-a mithiam te chuan kar kalta Ningani atang khan khaw hrang hrang tlawhkualin a hmunah thil awmdan an enfiah tawh a, AH&Vety Department-a mithiam te chuan Vaphai, Saikhumphai leh Farkawn khuaa Bawng, khawchhak lam atanga rawn lut te enfiahin tualchhung a Bawng vulh thenkhat chuan he natna hi an lo kai ngei tawh tih hriat a ni a, khawchhak atanga ran rawn lut te atangin tualchhung-a Bawng te hian heng natna hi an kai nia hriat a ni a, thenkhat chu enkawl dam ni tawhin Sample thenkhat chu Aizawl lama enfiah tura thawn a ni bawk.

Myanmar atanga Bawng lakluh te hian Mizoram hmun hrang hrang an thlen thin avang leh he hri hi an kaidarh theih avangin Champhai District Magistrate chuan Myanmar atanga Bawng lakluh leh Champhai District-a Bawng phurhsawn khapna thupek a lo chhuah tawh a ni.