Rannung in buh eichhia

Tlabung Sub-Division huamchhung Khojoy-sury-a chhungkaw 160 bawr velte leilet-a buh chu rannung chi khat Brown planthopper-in a eichhiat sak a, helai hmun hi Lunglei DAO C. Malsawmkima chuan tlawhin buh eichhetu Brown planthopper chu Mizo ten ‘Katnelh’ kan tih mai thin a ni tih sawiin, “Hetiang hi an lifespan a thui lo a, reilote chhungin an inthlahpung chak em em a ni,” a ti a. Rannung thahna hlo an ken hmangin la chhe ve lo buh engemaw zat chhan theih an in beisei thu leh, anmahni puih theih dan kawng awm ang ang dap tura theihtawp a chhuah tur thu a sawi bawk.

Lunglei District ATMA Dy. Project Director John Laltluangliana chuan, buhin a huat em em an pai tel avangin planthopper-in a ei tawh buh kung chu a ro nghal mai zel niin a sawi a; tun tuma damdawi an ken chu rannung hnawh-darhna mai ni loin, a thah nghalna hlo a nih avangin awmzia a neih ngei a beiseiawm tih a sawi bawk.

Comments

Popular posts from this blog

Volleyball S/F khel dawn