Hnathawk tha te chawimawi

Serchhip-a India Independence Day lawmna nimin-a neih ah Police leh Fire Service hna thawk tha mi 5 te hnenah chawimawina hlan a ni.

Nimin a Serchhip Sports Complex-a India Independence Day lawmna neih ah hian Serchhip Fire Station-a Leading Fireman (LFM) Ruatliana hnenah ‘Fire Service Medal for Meritorious Service’ chu hlan a ni a, he chawimawina hi Fire Service-ah hna a thawh that avanga Ministry of Home Affairs chuan dawng tura thlangin nikum-a India Independence Day-ah khan puan a lo ni tawh a, nimin khan hlan a ni ta a ni.

Hei bakah hian Serchhip DEF-a District Special Branch (DSB)-a thawktu mi 4 te hnenah chawimawina hlan an ni bawk a, heng chawimawina dawngtute hi ASI, Vanlallawma, Const. Vanlallawma, Const. Vanmalsawma,  Const. C. Lalroluaha leh Const. Vanlalsiamtluanga te niin heng mite hi ruihhlo dona kawng leh ruihhlo tawlhruk dapchhuahna kawnga hna an thawh that avanga chawimawina hlan te an ni a. Heng Police hna thawk tha te hnenah hian Rural Development Minister Lalruatkima chuan chawimawina thuziak a hlan a ni.