Mipui rawng bawl ho tura inbuatsaih turin ngen

Serchhip bialtu MLA atana lakluh tak Lalduhoma chuan lungrual tak leh in ngeih tlang taka mipui rawng bawlho tura inbuatsaih theuh turin mi tinte a ngen.

Nimin-a MLA atana lakluh a nih hnuah Lalduhoma chuan tunah chuan bye-election awm chhan leh inpuhmawhna zawng zawngte theihnghilh vek tawh ni se a duh thu sawiin, tawngkam inbah sual palh emaw, sawisual palh emaw avanga rilru na an awm a nih pawhin in ngaidam a, in theihnghilh sak turin mitinte a ngen a, “Lungrual tak leh inngeih tlang taka mipui rawng bawlho turin inbuatsaih theuh turin mitinte ka chah a ni,” a ti.

Nimin vek khan ZPM Party hruaitute leh ZPM Legislature Party member-te chu thukhawm nghalin, Lalduhoma MLA-a lakluh a nih leh tak avangin ZPM Legislature Party-ah awmho leh dan tur an sawiho nghal tih ZPM chuan an sawi bawk.