Serchhip District Students’ Science Seminar neih a ni

Serchhip District Students’ Science Seminar-2017 chu nimin khan Serchhip-ah neih a ni a, Zoruatpuii, St. Peters Higher Secondary School Chhingchhip chu pakhatna a ni.

Serchhip P&E Veng YMA Hall-a Serchhip District Students’ Science Seminar hi District Education Officer, Lawmawma chuan kaihruaiin DEO chuan Science pawimawhna hrang hrangte a tarlang a. Mizoram Sorkar pawhin Science zirna chu ngai pawimawhin Zirtirtu lakna neih turah pawh Science Stream ten 33% hauh a nih thu sawiin, tunlai khawvel ah pawl 12 thleng tak Science zir lo tan chuan hna pawh a van tawh thu a sawi a. Mi tam ber te chuan Sorkar hna thawh nan lehkha an zir thu sawiin, hei vang hian hlawhtlinga intodelh tur chuan Science chu a pawimawh thu a sawi  a. Zirlaite tan hlawhtlinna turin nu leh pa leh Zirtirtute thuawih a pawimawh thu pawh a sawi a. Sorkar hmalakna in rampumah faina kawnga hmalak mek a nih thu sawiin, Serchhip pawh kan fai thu leh amaherawh chu kan thlen chin a\anga hma sawn zel tur kan nih hre reng turin kalkhawm te chu a chah bawk.

SCERT leh DEO Office, Serchhip \angkawp buatsaih Serchhip District Students’ Science Seminar-ah hian thupui atan ‘Swachh Bharat : Role of Science and Technology Promises and Challenges’ tih thu thupui ah hman niin District chhunga zirna In 5 a\angin zirlai 7 an tel a, heng zirlai naupangte hian thupui thlansa hi sawifiahin a lem nen an entir a, Judge te a\anga zawhna awm te chhangin a pumpui ah Zoruatpuii, Class-IX, St. Peters HSS, Chhingchhip chu pakhatna niin Lalbiakzuali, Class-IX, St. Peters HSS, Chhing-chhip chu pahnihna a ni bawk a, heng zirlai pahnih te hi State Level Students’ Science Seminar, September thlaa neih turah Serchhip District aiawhin an tel dawn a, Best Guide Teacher lawmman chu KJ. Singh, St. Peters Higher Secondary School, Chhingchhip hnenah hlan a ni bawk.