Serchhip Block Congress Committee in Vawkte sem zinga thi awm pawi an tih thu an sawi

Serchhip Block Congress Committee Media Cell chuan NLUP hnuaia vawkte thi chu a semtu leh sem tur te tih theih bak thil a nih thu sawiin, pawi an tih thu an sawi a. MNF te chu Chief Minister ni mek thlangtlingtu an nih loh thu leh a tlin loh nana theihtawpa beitu an nih thu an sawi bawk.
MNF Block East Serchhip ten tunhnaia thuchhuah siama NLUP 3rd & 4th Phase-a AH & Vety Vawkte 6 pek tur zinga 3 zel bialtu MLA, Chief Minister, Lal Thanhawla’n November ni 7, 2017 a sem zinga 30 chuang a thi nia an sawi chungchangah Serchhip Block Congress Committee chuan heng Vawk note te hi a rawn thlen tirhah uluk taka enfiah vek niin, Ni sa tak hnuaiah a rawn phurhna a hla tham a, chuti chung chuan \ha tak leh tluang taka sem a ni tih an sawi a. A dawngtu ten an lak fel tawh hnuah eng eng emaw avangin thi a awm nia hriat a nih thu leh pawi an tih thu tarlangin, amaherawh fimkhur taka engkim kalpui a ni chunga Vawkte thi a lo awm chu a sem tur ngaihtuahtu emaw, a semtu emaw tih theih bak thil a ni tih an tarlang a. “Vawkte pakhat man pawh mirethei te la pe ve lo ten tifuh inti taka Vawkte thi uar taka an rawn puangzar duh mai hian he thila an lawmna tak chu Vawkte sem-ah ni lovin, Vawkte thihna ah a nih avangin an rilru \halo an pholang chiang hle ah kan ngai,” an ti.
Hei bakah hian Election Commission of India-ah affidavit lem-a kan MLA puhna avanga bang tura an phutna ah, MNF East Block Serchhip thuchhuah in bialtu MLA ‘Serchhip bial mipui ten kan thlantlin’ an ti ve chu a thlangtu mipui zingah MNF Serchhip Block East hi a la tel ve ngai lo mai ni lovin, Mizoram MLA thlan tlin ngun ber, Chief Minister ni tam ber bawk hi a tlin loh nana theihtawpa beitu te an ni tih pawh an sawi a. “Engvang pawhin a ban duhtute an ni tih hriain, tling leh zo dawn lova inngaia an mahni thil tih pawh ni lo nen lama an sahmim tihpuar nana bawhzui ruak ruak duh te lakah Mizo mipuite fimkhur ila. Kan bialtu MLA Chief Minister ni bawk hi keini a thlangtlingtute hi chuan kan la ning lo,” an ti a. Serchhip bial mipui tana Lal Thanhawla hmalakna leh a thil tih zawng zawng te pawh an chhuang tih sawiin, “Kan ram leh khawtlang tana hna a thawh chhunzawm theih nan leh a tlin leh ngeina turin theihtawp chhuah kan tum tlat a ni,” an ti bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.