Serchhip-ah kum Upa ten Table Tennis-a inelna nei

Nikhat awh Mizoram Veteran Table Tennis Tournament chu Inrinni khan New Serchhip Indoor Stadium-ah neih a ni a, kum 40 chin chunglam Table Tennis khel \hin ten intihsiakna an nei a ni.
Mizoram Veteran Table Tennis Tournament hi Mizoram State Sports Council (MSSC)-a Joint Secretary leh Mizoram Table Tennis Association-a President ni bawk, C. Lalrinzuala chuan a hawng a, khuallian chuan hetianga kum upa te tana Table Tennis inelna buatsaih a ni chu lawmawm a tih nthu a sawi a ni.
Mizoram Table Tennis Association (MTTA) chuan kum upa te buaipui tur hian Veteran Committee a din a, kumin a\ang hian mumal zawka kalpui niin a vawikhatna atan Kolasib-ah Tournament an lo buatsaih tawh a, tun hi \um hnih an buatsaihna niin tunah hian Lunglei-ah neih leh tura ruahman mek a ni a, hei bakah hian a vawikhatna atan thla thar Nov. 9 a\anga ni 11 chhung khian Aizawl-ah Championship buat-saih tum a ni bawk.
Mizoram Veteran Table Tennis Tournament-ah hian Serchhip bakah Aizawl, Lunglei, Khawbel leh Thingsulthliah a\angin Table Tennis khel \hin mi 39 zet an tel a, heng te hian kum 40, 45, 50, 55 leh kum 60 chin chunglam bakah Hmeichhia tan Category pakhat ah inelna an nei a ni. Tun \uma Mizoram Veteran Table Tennis Tournament-ah hian kum Upa ber tan a bika lawmman siam niin he lawmman hi H. Kapthanga, kum 76, Lunglei chuan a dawng a ni.

Popular News

Mizoram-ah Faina Hapta hman \an leh a ni

Retailer bukna diklo 3 man