Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Rajya Sabha MP kaihhruaina hnuaiah Serchhip District Development Co-ordination Committee \hukhawm

Serchhip District Development Co-ordination Committee (DDCMC), DISHA tia koh bawk chu nimin khan Co-Chairman, Ronald Sapa Tlau, MP (Rajya Sabha) kaihhruaiin an \hukhawm a, Kum 2017-18 chhunga Central sorkar sum hmanga Serchhip District chhunga hmasawnna hnathawh hrang hrang te an thlirlet.

Serchhip DC’s Conference Hall-a Serchhip District Development Co-ordination Committee \hutkhawm kaihruaitu Rajya Sabha MP, Ronald Sapa Tlau chuan Department hrang hrang hotute leh tlawmngai pawl hruaitute kutah Serchhip District hmasawnna hnathawh a innghat tih sawiin, he dinhmuna ding mek zawng zawngte chu an hun \ha neih te thil \ha, thil \angkai leh hriatreng tlak thawh nana hmang turin a chah a. Heng mite hian an thawh \hat phawt chuan Serchhip District hmasawnna hnathawh a \ha tihna a ni dawn tih a sawi bawk.
He hunah hian District Development Co-ordination Committee Chairman leh Lok Sabha MP, CL. Ruala pawhin DDCMC \hutkhawm hun an neih tlai hlek chhan sawifiahin a hun atana Central sorkarin a ruat leh Parliament Session a thlen rual vang te, President leh Vice President thlanna ten an nanchin chhoh zel vang te a nih thu a sawi a. Hei vang hian meeting vawikhatna leh vawihnihna chu kawp a ngaih phah thu a sawi a ni. Chutihlaiin Mizoram chu DDCMC hmalaknaa India rama a ti\ha berte zinga mi kan nih thu a tarlang bawk.
Nimin a Meeting-ah hian sorkar kum kal mek 2017-18 a Central sorkar sum hmanga hma-sawnna hnathawh hrang hrang report en hova sawiho a ni a, IWMP Project hrang hrang kalpui mekah kumin atan Project-II hnuaia mamawh Fund chauh hmuh a nih dawn avangin Project-III a hna kallai mek leh Project-II ah chuah lo hi chuan hnathawh theih a nih dawn loh avangin Project dangte chu chawlh lailawk a ni dawn tih tarlan a ni a. Kumthar-a Fund hmuh dan a zir zelin chungte chu tihnun zui tur a nih thu leh he hmalakna avang hian chhungkaw tam takin kumtin tlangram lovah eizawnna an bansan tawh hlawm a. Hmalakna kalpui thui tawhna, Project III leh V chhungah ringawt pawh loneitu chhungkaw 38 ten tlangram loneih an bansan tawh tih tarlan a ni bawk.
National Social Assistance Programme (NSAP) hnuaiah Tar Pension mi 1570 pek mek an ni a; Hmeithai Pension mi 164 pek mek niin Disable Pension mi 47 hnenah pek mek an ni a. National Family Benefits Scheme (NFBS) \anpuina dil mi 21 lut tawhin hun remchang hmasa berah an dawng thei tur ngaihtuaha \hutkhawm tur a ni.
National Rural Drinking Water Prog-ramme hnuaiah Khawlailung khaw tuilakna thawh zawh tawh niin hawn mai theiha peih a ni tawh a, Swachh Bharat (Gramin) hnuaiah Solid Liquid Waste Management hmalakna in khaw 12 ah hnawmpaihna thawh tur a ni a. Swachh Bharat Kosh hnuaiah inthiarna chhe tawh mi 1346 te chu a thawm\hatna pek an ni bawk.
Inkalpawhna kawng hmalakna ah PMGSY hnuaiah Chhingchhip to Thentlang kawng ah zaa 67 te, Hmun\ha to Khawbel-ah zaa 43, Chhingchhip to Hualtu-ah zaa 83, Chhingchhip to Hmun\ha-ah zaa 71 leh East Lungdar to Sailulak-ah zaa 66 zawh tawh an ni a. Heng kawngte hi target revised angin December 2017-a thawh zawh vek tura ruahman an ni.
Nimin a Meeting-ah hian Chairman leh Co-Chairman te bakah Member Secretary aiawh Chuauhnuna, MCS, Addl DC te, VL. Rem-liana, MCS, Project Director, DRDA te bakah sorkar laipui ruahmanna anga hmasawnna hna hrang hrang thawktu sorkar Department, DISHA Member Official pawimawh te, YMA, MHIP aiawh leh Village Council Member te an tel a, tlawmngai pawl te pawh hian an thil ngaih pawimawh te an sawilang bawk a ni.

Comments

Popular News (Last 30 Days)