ODF ni turin Mizoram-ah nasa taka hmalak a ni

Sorkar laipuiin ram fai ni tura hma a lakna, Swacch Bharat Mission hnuaia a langsar leh pawimawh ber pakhat, pawnler-a inthiar awm lohna ram, Open Defecation Free (ODF) ni tura hmalakna ah Mizoram pawhin theihtawp chhuahin, faina kawngah nasa takin hma a sawn.

Fai tehna kawngah ramchhung State leh UT 33 zingah Mizoram chu 17-na a ni mek a. ODF bikah chuan State chhunga District 8 zinga 5 - Champhai, Kolasib, Aizawl, Serchhip leh Saiha te chu pawnlera inthiar awm lohna, Open Defecation Free-a puan an nih tawh thu Swatch Bharat Mission, Mission Director, C. Lalunghnema chuan a sawi a. ODF la ni lo District 3 - Lawngtlai, Lunglei leh Mamit te pawh kumin chhung ngeiin ODF-a puan hman beisei an nih thu leh tuna ram chhunga state pumpui ODF-a puan tawh 8-te hnung zuiin, Top Ten-a lan ngei tumin hma lak mek a ni, a ti.
Aizawl District bikah chuan Oct. 2, 2014 a\anga Swatch Bharat kalpui a nih hnuah mimal inthiarna 1,517 sak a ni tawh a, inthiarna tha lo thawm\hatna tur sum sorkar laipuiin a rawn pek, cheng vbc. 1.60 hmangin mimal bakah School inthiarna 3,205-te thawm\hat vek tum a ni. Lunglei District-ah chuan Ek In neilo te Ek In sak \anpuina, Individual Household Latrine (IHHL) hnuaiah Ek In 451 sak a ni tawh a, sak leh tur 5,611 a la awm a. Ek In pakhat sak nan hian sorkar laipui a\angin Rs. 12,000 zel hmuh a ni.
Open Defecation Free (Gramin), thingtlang bika hmalakna hi Serchhip District-ah pawh khawpui dang ang bawkin PHE WATSAN Division-in kum 2015 a\ang khan bawhzuiin hma an la a. Serchhip District thingtlang khaw 35-ah hma lain mimal Ek In 1,396 sak sak an ni tawh a, ODF Gramin-ah inpuan a ni tawh a, State Level-a endiktute endikna pawh zawh fel a ni tawh bawk.
Siaha District-ah chuan PHE Siaha Division-in kum 2012 Baseline servey hmanga hmalakna tur a duanah IHHL hmangin chhungkaw 3,120-te Ek In saksak an ni tawh a, tunah hian District Swatch Bharat Chairman, Siaha DC-in ODF-a a puan chiah nghah a ni tawh a ni. Lawngtlai District-ah pawh Swachh Bharat Mission (Gramin) hnuaia hmalakna hi PHE Department-in kalpuiin, khawlaia inthiar awmlohna, zun leh ek thlahdah lohna khua, Open Defication Free-ah khaw 159 an inpuang tawh a, hei hi a dik leh dikloh la enfiah tur a ni a. Khaw 22-te chu endik theih turin sorkar laipuiin a pawm tawh a ni. Champhai District chu Mizoram District zinga ODF ni hmasa ber a ni a. Nikum December thla khan ODF ni tura hmalak ngai zawng zawngte tizoin ODF-ah puan a ni a. ODF ni tur hian PHE WATSAN Division-in thingtlangah Ek in 821 an sa a, UD&PA-in Ek In 406 an bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.