Faina Hapta pualin sorkar Pisa thenkhat ten khawpui chhung thenfai hnatlang an nei

Mizoram sorkar in Faina Hapta hman mek puala Sorkar Pisa hrang hrangte nimin chawhnu lama Faina chungchanga mipui vantlang zirtirna thiltih nei tura a tih angin Serchhip khawpuia sorkar pisa engemawzat ten nimin chawhnu lam khan hnatlang an nei.
Mizoram sorkar General Administration Department chuan Office Memorundum tichhuakin, sorkar pisa leh zirna In zawng zawngte chu Cleanliness Week, 2017 lai, Oct. 6, 2017 chawhnu-a faina lama mipui vantlang zirtirna thiltih, Cleaning Works leh Social Works nei tura a tih angin Department \henkhat chuan nimin chawhnu khan hnatlang hi an nei a, Serchhip khawpuiah hian District Urban Development & Poverty Alleviation Officer, Vanthangpuii hovin DUDO thawktute AOC a\angin Serchhip Bazar Building thleng, kawngpuia bawlhhlawh awm ang angte phiatin an hnatlang a. Deputy Commissioner Office thawktute pawhin SDO (Sadaar), R. Vanrengpuia leh Election Officer, Abraham B. Khithey hovin Chawhmeh Bazar Building Ground Floor chhehvel kawngpui leh Bazar peng\huam te a bawlhhlawh awm ang te an thianfai a. District Local Administrative Office thawktute pawhin New Serchhip IOC Veng-a DC Office peng\huam leh a panna kawngte an phiat fai bawk.
District Information and Public Relations Officer, K. Saitluanga hovin DIPRO Office a thawktute pawhin New Serchhip College Peng a\anga Kudam Kawn thlenga kalin bawlhhlawh awm ang angte chharin an thianfai a. Kudam kawn leh a chhehvel te pawh an thianfai nghal bawk. Nimin vek khan sorkar Department dang te pawhin hnatlang hi neiin Veng huap leh Village Council huapa hnatlang nei te pawh an awm bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.