E-Summit & B-Plan Contest zawhfel a ni

* Serchhip mi in lawmman pakhatna a dawng

Chief Minister, Lal Thanhawla chuan niminpiah khan Mizoram University-ah NEDP peng pakhat MEDMOC in a buatsaih Entrepreneurship Summit 2017 leh Mizoram Kailawn Business Plan Contest a buatsaih kharna hun a hmanpui a. Business Plan Contest-a ti\hate hnenah lawmman semin Serchhip Bazar-a cheng, Lalsiamthara chuan lawmman a dawng ve a ni. Entrepreneurship Summit 2017 leh Mizoram Kailawn Business Plan Contest hi MEDMOC leh IIM Calcutta Innovation Park (IIMCP) \angkawpin Entrepreneurship Development Scheme (EDS) hmalakna huang chhunga an buatsaih a ni a; he hunah hian Chief Minister chuan India ram \hang mek zelah Mizoram chu a awm mai mai bik lova, state hmasawn ber te zinga mi ni turin theihtawp a chhuah a; chumi kawnga a thil tumte tih hlawhtlin nan NEDP chu duan a ni, tih a sawi. 
Chief Minister chuan NEDP hnuaiah Entrepreneur te tih hmasawn chu ngaih pawimawh zual bik a nih thu sawiin, tunhma lamah sorkar hna mi zawng zawngin thawh lo tum \hin mahse tunah chuan sorkar hna thawh tur a tlem piah lamah mahni kutke a din, eizawnna insiamchawp leh midang te tana eizawnna hna siam tum \halai an pung a lawmawm hle tih a sawi a. Mahni kutkea din tum, indapchawp leh midang te eizawnna tur hna tam tak siam thei nih chu khawvel in a ngaihsan a ni a. Chutiang mi leh chutiang ti thei tur chi Mizoram-ah \halai tam tak an inphum tih kan hriat avangin kan rilru a hlim hle a ni, a ti a. Sorkar in a theihna zawnah anni ang puih phu te chu theihtawpa chhawmdawl leh bul \anpui thlenga a tum thu a sawi bawk.
Mizoram Kailawn Business Plan Contest-ah hian dilna thehlut mi 287 zinga intihsiakna paltlang mi 254 awmin an zingah hian Final Round lut mi 10 zinga mi 5 te chu \anpuina sum leh chawimawina thuziak te lawmman atan hlan an ni a. Lalsiamthara s/o Lalhmachhuana, Serchhip Bazar chuan Changel hmanga thilsiamchhuah dan (Papyrus Mizoram) duangin lawmman pakhatna dawngin cheng nuai 4 hlan a ni a. Ramhmul Damdawi siamchhuah dan duangtu Lalhlupuii Ralte chuan lawmman pahnihna dawngin cheng nuai 3 pek a ni a. Bio Gas, promising idea duangtu Lalawmpuia Pachuau chuan lawmman pathumna dawngin cheng nuai 2 pek a ni a, Michael Hmingthanpuia (Alternate Tourism) leh Lalnunsiami Pachuau te chuan Rs. 50,000/- ve ve dawngin Top-10 a lang midang 5- Lalrinsanga, Evangeline Hmar, Mark Lalduhsaka, Raymond Remlalmuana leh Rakili te an awm bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.