Lenkawl

High Powered Committee (HPC), Lunglei member thar te lawmluhna hun chu nimin khan Chief Minister,Zoramthanga hovin Lunglei Convention Centre-ah neih a ni a, Chief Minister chuan HPC Lunglei term thar chuan Lunglei District huamchhunga hmasawnna nasa tak a thlen a beisei thu a sawi.

MPC Party chuan nimin khan an President, Lalhmangaiha Sailo kaihhruaia Executive Committee \hutkhawm neiin kan ram, kan Hnam leh kan Sakhua a him theih nana ZPM (|angrual Pawl) alo piang chu lawmawm an tih thu leh ZPM kut ti chak turin theihtawp an chhuah zel tur thu Resolution siamin an pass a, hun remchang hmasa berah Party Assembly neih an rel bawk. He hunah hian MPC President, Lalhmangaiha Sailo chuan MP Election kan neih zawh takah Chakma-in Mizo mipuite tan thuthlukna an siam nia a hriat thu leh Central BJP sawrkar in ram an kaihhruai tum dan chuan a ngaih a tih\hatloh thu a sawi bawk.

Mizoram Volleyball Association (MVA) chuan Serchhip District Volleyball Association (SDVA) chu Mizoram-a District hma la \ha ber lawmawm an hlan. Mizoram Volleyball Association (MVA) hian nimin khan Aizawl-ah General Body Meeting neiin he hunah hian kum kalta chhunga Volleyball hmasawnna tura hmala \ha te hnenah lawmman an hlan a, Serchhip District Volleyball Association (SDVA) chuan Mizo-ram puma District Association hna thawk \ha ber lawmmawn dawngin Citation leh Rs. 20,000/- an dawng a, he chawimawina hi SDVA General Secretary, C. Laldinpuia chuan dawngin nikum khan he chawimawina hi an lo dawng tawh bawk a ni.

Nimin khan Serchhip-a Higher Secondary School pahnih-a zirlai naupangte chuan Neiloh leh Buangpui khaw inkarah Pada Yatra (Jorney By Foot) an nei a. He kawngzawh hi Mahatma Gandhi Piancham 150-na lawmna chikhat atana buatsaih niin Govt. Higher Secondary School Serchhip leh Lal Thanhawla Higher Secondary School NSS Unit a mi 25 ve ve leh zirtirtu mi 8 an tel a, he hun hi Govt. Higher Secondary School Serchhip Principal, Laltinkhumi Hnamte chuan khuallian niin a hawng a ni.

Mizoram sawrkar chuan tunhnaia Mizoram Civil Service (Junior Grade) lak thar mi 12 te awmna tur a siam thar a, heng mi 12 te zingah hian Serchhip-a Sub-Deputy Commissioner (SDC) hna chelh turin F. Lalnisai D/o F. Hming-thanzauva, Tuikual Aizawl rawn dah a ni. Tun \uma MCS lak thar mi 12 te hi Aizawl-ah mi 3, Ko-lasib leh Lawngtlai-ah 2 ve ve, Serchhip Mamit, Lunglei, Siaha leh Champhai-ah 1 \heuh awm tura dah an ni.

Serchhip Sub-Hqrs. YMA chuan Serchhip khawpui chhunga dan lova hnamdang sumdawng dapchhuah leh an sumdawnna titawp tura hmalakna an kalpui leh mek .

Serchhip District Sports Committee (SDSC) chuan nimin khan General Body Meeting neiin Serchhip District Sports & Youth Officer, Ngurthansanga MCS chuan khuallian niin a hmanpui.

Mizoram Larsap, Jagdish Mukhi chuan nimin khan Thenzawl tlawhin tunlaia khualzin ten Thenzawl leh a chhehvela hmun pawimawh hrang hrang an tlawh \hin te a tlawh.

Aizawl Municipal Corporation (AMC) Board of Councillor (BOC) Meeting-in Aizawl khawpui chhungah August ni 1, 2019 atanga Plastic 50 microns hnuailam khap a rel angin Plastic hman khuahkhirh a ni dawn a, hemi atana hmalakna hmasa atan naktuk khian Aizawl khaw pum huapin Plastic thenfai hnatlang neih a ni dawn.

Nimin khan Ex-MNA Association huaihawt in Martar 17 te thlahna hun Aizawl Vanapa Hall ah neih a ni a, Chief Minister, Zoramthanga chuan a hmanpui a ni.

Mizoram Agriculture Marketing Solution (MAMSol) in Bairabi Mini Trade Centre-a cheng nuai 150 senga Cold Storage Facility a sak chu nimin khan Agriculture Minister, C. Lalrinsanga chuan a hawng.

Information & Public Relations Department buatsaih \hin, Mizoram Calendar nakum 2020 tur atan thlalak thehluh theih a ni a. Thlalak hi TIFF format edit miah loh, a resolution 300 DPI leh size a 12”by18” aia te lovin July 3, 2019 thleng I&PR Office ah thehluh theih a ni.

ATMA Serchhip Block in Farm School Prog-ramme an kalpui meka Kel vulh chungchang zirhona Serchhip-a an buatsaih chu nimin khan Bawng-chawm-a Kel vulhna hmunah chhunzawma zawhfel a ni  a. Hemi hmalam hian Kel vulhdan zirhona leh Thenzawl-a Vety Farm te pawh an lo tlawhpui tawh a ni. Nimin a he hun hman hi ATMA Serchhip District-a Block Technology Manager, Lalremruata chuan hmanpuiin ATMA chuan tunlai thiamna mila Agriculture & Allied Sector tih hmasawn chu a tum ber a nih thu leh hemi kawngah hian Line Department te nen pawh \angtlanga kawng hrang hranga hma an lak thu a sawi bawk.

Zoram Entu Pawl (ZEP) Serchhip buatsaihin nimin khan an hmalakna kawng hrang hranga inrawnkhawmna hun, Public Consultation Meeting chu Serchhip-ah neih a ni.

District Disaster Management Authority (DDMA) Serchhip buatsaihin nimin khan Serchhip-ah School himna tura kangmei chung-chang inzirtirna leh kangmei \helhna hmanrua inzirtirna neih a ni.

Serchhip District Level Committee on Green Mizoram chu nimin khan DC Committee Room-ah \hukhawmin tun thla ni 11-a Green Mizoram Day hman dan tur an sawiho a, kumin a Green Mizoram Day denchhen hian Serchhip leh Thenzawl inkar kawngpui kamah thing\iak phun leh a ni ang.

Nimin khan Baktawng HSS te Tuirivang lui-a intihlim tura kal zirlai naupangte chu lui-ah chesualin an zinga naupang pathum (3) ten nunna an chan a, Vawiin ah vuiliam an ni ang.

Nimin khan Serchhip-ah Serchhip District Task Force Committee on DAY-NULM chu \hukhawmin Self-Employment Programme (SEP) 2019-2020 kalpui dan tur an thlirho a. Kumin a SEP hnuaia Loan pekchhuahna tura ruahmanna hrang hrang awmte thlirin Loan pekchhuah tawh dan te thlirho a ni bawk.

Transport Minister, TJ. Lalnuntluanga chuan nimin khan a bial chhung Champhai Electric Veng-ah Champhai South Higher Secondary School chu a hawng.

Reserve Bank of India (RBI), Aizawl buat-saihin nimin khan Aijal Club-ah 'Responsible Borrowing and Agricultural Finance' tih thupui a hmangin Financial Literacy Week 2019 hawnna neih a ni a, Agriculture Department Secretary, Lalhmingthanga IAS chuan khuallian niin a hmanpui a ni.