Lenkawl

Serchhip District-ah kumin chhunga Handholding hnuaia Sawhthing lei chu zawhfel a ni ta a, Phase-I ah Sawhthing quintal 8845 leh Phase-II ah quintal 51,342 hralhchhuah niin Support Price cheng vbc. 6 chuang pekchhuah a ni tawh a, la pek loh vbc. 7 chuang a awm bawk.

Serchhip Sub-Hqrs. YMA chuan tunhnaia Mizoram Volleyball Association (MVA) atanga leimin tuartte tanpuina tur sum cheng nuai khat an dawn chu nimin khan chhungkaw 10 hnenah Rs. 10,000/- theuhin an sem.

Nimin khan Serchhip-ah District Task Force for Immunization chu thukhawmin District TB Forum Meeting pawh neih chhunzawm nghal a ni a. Serchhip District-ah hri danna pek a that thawkhat thu leh ni 100 chhung TB dona kalpui chhungin TB vei mi pathum hmuhchhuah an ni tih tarlan a ni bawk.

Nimin khan Serchhip-ah District Monitoring Committee on Accessible Election(DMCAE) chu a tum khatna atan an thukhawm.

Kumin June 29-a National Statistic Day vawi 19-na pualin nimin khan Serchhip-a DRO Conference Hall-ah hun hman a ni a, he hun hi Serchhip a District Research Officer Lalthangmawia chuan kaihruaiin ‘75 Years of National Sample Survey’ tih chu thupui-…