Tourism Minister in Berawtlang-ah Khualbuk a hawng

Tourism Department changtu Minister Lalnghinglova Hmar chuan Zirtawpni khan Berawtlang-a Multipurpose Hall-ah ‘Development of Beraw Tourist Resort’ project hnuaia Khualbuk sak thar a hawng. He hunah hian Minister chuan kum 2024-2025 aiin kum 2025-2026 chhung hian Mizoram tlawhtu khualzin nuai 4 chuangin an pung tih sawiin, ram pawn atanga lo kal pawh kum hmasa aiin 9000 chuangin an pung tih a sawi a. Tourism Sector chu mi tam tak tan eizawnna siamsak theitu a nih avangin sawrkar leh mipui tanrual a ngai a, khawtlang hruaitute nen pawh inhrethiam taka thawhho a tul a ni, a ti bawk. Development of Beraw Tourist Resort project atan hian cheng nuai 606 sen a ni a. Khualzinte thlenna tur khualbuk (building) panga hawn thar niin, bedroom pahnih theuh a awm a ni.