Sawrkar in School Provincialised belh a tum tih Minister in sawi

School Education Minister Dr. Vanlalthlana chuan Mizoram sawrkarin tunhnaia School 51 dinhmun sanga a hlankai (provincialised) bak provincialised belh an tum thu thu a sawi.
Nimin-a Assembly thutkhawm ah MNF Member H. Lalzirliana zawhna chhangin Education Minister Dr. Vanlalthlana chuan School provincialised belh tumna a awm thu hi sawiin, “Kan buaipui mek a, Cabinet-in a ngaihtuah tawh. Ennawn mek a ni a, tih thuai kan tum. A criteria pawh Cabinet-ah kan enho vek tawh. Staff Meeting-te koin hmalak chhoh mek a ni,” a ti. ‘Result-ah pass 20% pawh nei lo, School building leh Zirlai pawh nei lo te sawrkara lakluh kan ba a ni em?’ tih an ngaihtuah tih sawiin Dr. Vanlalthlana chuan, “An Zirtirtute an sual hran lo mai thei, harsatna an tawh chhan hrang hrang pawh a awm ang,” tiin ngaihtuahna thui tak an sen thu a sawi bawk.

Education Minister chuan School Provincialised chungchang ah hian Zirlai inziaklut zat (enrollment) telh leh a nih thu leh School te chu hrut rual lovin, Municipal Area (AMC leh AMC), District Hqrs., SDO Office neihna hmun leh a bak zawng chu 'a dangte' ti a dah niin Point an neih dan tur a awm dawn thu te; Middle School awm miah lohnaa khawtlangin an enkawl School te a awm a nih chuan sawrkarin a lak chu tihawm tak a nih thu te pawh a sawi bawk.