Ni 2 chhung thukhawm dawn

Tun thla ni 25 atanga Mizoram Legisaltive Assembly Fur thutkhawm neih tur chu ni hnih (2) chhung awh tura ruahman niin August 25 leh 27-ah thutkhawm neih a ni dawn a, Zirtawpni-a Assembly Speaker kaihhruai Bussiness Advisory Committee thukhawm chuan Session neih hun chhung tur hi tifelin thutkhawm tan ni hian Session hnuhnung ber leh tun Session inkara ram hruaitu boral te sunna hun hmangin sawrkar atanga thu ngaihtuah tur lut te ngaihtuah a ni bawk ang. Zirtawpni thleng khan Session a tawngka-a chhan tur zawhna (starred question) 303, ziaka chhan chi zawhna (un starred question) 64, paper lay tur pali bakah Bill pakhat a lut tawh a. Bill lut hi Irrigation & Water Resources department atanga lut ‘Mizoram Water Information & Governance Bill, 2026’ a ni a, Bill dang a luh leh beisei a ni.