Durand Cup Final-ah Edmund-a a ropui

Nimin tlai-a Durand Cup 2026 Final khelh ah East Bengal chuan Mohun Bagan chu 4-1 a hnehin an Champion a, Mizo tlangval Edmund Lalrindika chuan goal thum khungin hattrick a siam a ni.
    Asia khawmualpui-a Football inelna upa ber, Durand Cup hi kumin hian a vawi 135-na atan khelh niin nimin tlai khan Kolkata-a Vivekananda Yuba Bharati Krirangan-ah Final hi khelh niin Kolkata Club lian East Bengal leh Mohun Bagan te an inhmachhawn a, East Bengal tan Bipin Singh chuan goal hmahruai a khung hnuah Edmund Lalrindika hian minute 11, 22 leh 44-ah goal rawn khungin hattrick a siam a, a Team te hi 4-1 a hnehna chanpuiin nomawi an chawi a, Man of the Match atan thlan a ni nghe nghe bawk. Edmund-a hi Kolkata derby (East Bengal vs Bagan)-a 1st half-a hattrick siam thei hmasa ber a nih bakah kum 1997 hnu lama Mohun Bagan lakah East Bengal tana hattrick siam thei hmasa ber a ni bawk.