Dan anga chungthu ngaihtuah a nih thu tarlang

Tunhnaia School pakhata zirlai naupang tiduhdahtu a zirpui mi pali zinga kum tling lo pathum (3) leh kum tling tawh pakhat (1) te chu dân angin an chungthu ngaihtuah a ni. Mizoram State Commission for Protection of Child Rights (MSCPCR) thuchuah chuan an zirlaipui tiduhdahtute chungthu ngaihtuah a nih thu tarlangin, District Child Protection Unit (DCPU), Aizawl District, Dan leh thupek kengkawhtu leh Police bakah School Managing Board Committee te hmalakna chu fakawm a tih thu an tarlang a. Hei bakah hian Mualthuam North tleirawl, H. Lalramdinpuii tualthihna chungchanga a mawhphurtu ni a ngaih, Denghmingliana (20) leh Lalneihkima (34) te Police ten an man chhuak chu lawmawm an tih thu sawiin, an phu tawk hremna an tawh ngei theih nan an enzui dawn tih a sawi a. Dân in naupangte dikna leh chanvo a humhalh rualin, Dân nena inrem lova chê naupangte chungah pawh dân anga hma lak thin a ni tii,n Naupangte chuan dikna leh chanvo an neih rualin, mawhphurhna pawh an nei ve tih an sawi bawk.