Kum chanve chhungin lirthei man 5,388 a awm

Aizawl Traffic Police chuan kumin thla ruk chhungin lirthei dan bawhchhia 5,388 an man a, an pawisa chawi zat tlingkhawm hi cheng nuai 60 a tling.

Traffic Police hotute sawi danin, kumin January ni 1 atanga June ni 30 thleng khan Aizawl Traffic Police-te chuan lirthei dan bawhchhia 5,388 an man a, heng zingah hian Two Wheeler an tam ber a ni. Thla ruk chhunga dan bawhchhia man te hi license nei loa lirthei khalh 387, Helmet khum lova Two Wheeler khalh 386, Tlan phal lohna a tlan 343, Phal lohna hmuna kual 240, Company siam sa lirthei khu chhuahna a ai a ri ring tura ti danglam man 228 leh tlan lohna lam tlan 221-te an ni. Lirthei an man 5,388-te hi Two Wheeler 3,733, LMV 1,125, Taxi 291, HMV 184, Bus 42, MMV 8 leh lirthei dang 5 an ni.

Dan bawhchhia mante hi dan an bawhchhiat mil ang zelin pawisa chawitir an ni a, thla ruk chhunga lirthei dan bawhchhiate pawisa chawi tlingkhawm chu Rs. 60,9,9,300 zet a tling a ni.