By-election ah MNF leh Congress ten thawdun a tum

East Lungdar Village Council-a General Seat ruat pakhat hnawhkhat tura August 20-a by-election neih turah eptu party MNF leh Congress te chuan thawhdun tumin V. Vansangliana chu an Candidate atan an thlang a, tarlan tawh angin ZPM Party chuan F. Lalchawimawia chu an Candidate tur a nih thu an lo puang tawh bawk a ni. He inthlanna neih tur atan hian nimin khan Returning Officer chuan hriattirna tichhuakin inthlan chuh tum te tan hming pekluhna hun hawn nghal a ni a, August 3, 2026 thleng khian inthlan chuh tumte tan hming pekluh theih a ni ang.

Serchhip District Election Officer Paul L. Khuma chuan nimin khan thuchhuah siamin State Election Commission thuchhuah anga he inthlanna neih turah hian Model Code of Conducts hman a nih thu tarlangin, MCC chungchanga hriat tur pawimawh hrang hrang a tarlang a. He inthlanna neih tur atan hian August 18, 2026 tlai dar 5:00 hnu lamah Campaign phal a nih loh thu leh inthlan Campaign tura East Lungdar a lut, East Lungdar VC Roll-a chung lo te chu hemi hnu lamah hian an awm zui phal a nih loh thu te a tarlang bawk.

Tarlan tawh angin East Lungdar VC-ah hian Member 7 an awm thei a, an VCP nilai a boral avangin Seat ruak pakhat a awm a, tunah hian ZPM in member 3 nei mekin MNF in Member 2 leh Congress in Member pakhat an nei a ni.