India rama eirawngbawlna Gas (LPG) man chu nimin khan tihsan leh a ni a, tun tum hi thla thum chhunga LPG man tum hnih tihsan a nihna niin bur khat man ah Rs. 29/- zelin tihsan a ni a, March 17 khan kg. 14.2 a rit eirawngbawlna Gas man hi bur khat ah Rs. 60/- in tihsan a lo ni tawh bawk a ni. Thudawn danin hetianga eirawngbawlna Gas man tihsan a nih hnu hian Serchhip-ah chuan kg. 14-2-a riat Domestic Cyliner man chu bur khat Rs. 1094/- a ni tawh anga, Home Delivery kalpui a nih avangin bur khat ah hian Rs. 70/- belh tur a ni dawn a, kg. 5-a rit bur khat man Rs. 404.50 niin kg. 10-a rit Composite bur chu Rs. 786.50 niin kg. 5-a rit Composite man pawh bur khat Rs. 404.50 a ni ang.
