HSSLC Practical Exam tan

Mizoram Board of School Education (MBSE) hnuaia HSSLC Examination 2025 chu nimin khan Practical awmna Subject zawng zawng ah Practical Exam neih tan a ni a, Theory Exam erawh tun thla ni 14 khian neih tan tur a ni thung ang. MBSE Roll Sheet-a a lan danin kumin 2025 hian HSSLC Exam hi Centres 378-ah neih tura niin HSSLC Exam tur Arts Subject la zirlai 8784 awmin hmeichhia 4671 leh mipa 4113 an ni a, mipa aiin hmeichhia 558 in an tam zawk a ni. Science Subject la zirlai 2833 awmin hmeichhia 1662 leh mipa 1171 an ni a, mipa aiin hmeichhia 491-in an tam zawk a, Commerce Subject la 653 awmin, hmeichhia 298 leh mipa 355 an ni a, hmei-chhia aiin mipa 57-in an tam thung a ni. Kumin a HSSLC Exam hi March 17 thleng neih tura ruahman niin nimin-a Practical Exam nei zingah hian Geography Subject la tam berin 3666 zet an awm a ni.