CM in Aizawl Peak Resort Skywalk a hawng

Chief Minister Lalduhoma chuan Hangi Lunglen Tlang, Aizawl-a ‘Aizawl Peak Resort Skywalk’ chu niminpiah tlai khan a hawng.

    Aizawl Peak Resort hi Er. H. Ginzalal, Adviser to CM (Technical) te chhungkaw enkawl niin Skywalk Structure hi Nail India Adventure Private Limited, Pune te siam a ni a, Glass Panel hi Toughened Glass 30mm a chhah, meter 10 a sei, meter 2.24 a zau a ni. Meter khat bial hian puitling 7 a dawl zo a, a glass chinah hian mi 135 a ruala awm thei tura duan a ni. An enchhinnaah chuan Sand bag kg 9500 vel zet an dah a, a him tawk hle. A him leh him loh hi NIT Mizoram ten an endik a, kg 100 veka rit mi 150 pawh a rualin kal se, a dawl zo hle dawn niin an ngai a. A enkawltute chuan a rualin mi 20 aia tam lo vel zel an kaltir thung dawn niin an sawi thung. He hunah hian Chief Minister chuan Er. H. Ginzalala te chhungkaw thawhrimna leh inpekna fakin, India rama Solar Pumping sang ber a lo siam tawh thu leh tunah Mizorama Skywalk hmasa ber an siam leh thu a sawi a ni.